Quen somos
Somos un centro especial de emprego de economía social
Dedicada á produción de máscaras cirúrxicas, a nosa empresa de economía social desenvolve a súa actividade no sector sociosanitario para dar resposta ás súas necesidades. Para Alentae este é un sector clave xa que a dedicación ás persoas e o seu benestar forma parte da nosa razón de ser.
"Unha economía social que axuda a cohesionar o territorio xerando un relevante impacto social"
Xeramos valor social
Alentae é un centro especial de emprego de economía social promovido por COGAMI (Confederación Galega de Persoas con Discapacidade) e integrado no seu grupo de empresas, COGAMI Empresarial, co que compartimos a misión de xerar emprego para as persoas con discapacidade e promover a súa inclusión.
As persoas son o noso principal activo
As persoas son o verdadeiro motor do que facemos e son elas as que proporcionan toda a enerxía para que a maquinaria funcione. Este é o noso modelo de éxito: o desenvolvemento profesional e social dos nosos equipos que logran que día a día máis persoas sumen neste proxecto.
Compromiso cos dereitos das persoas con discapacidade
En Alentae ofrecemos á nosa clientela a posibilidade de cumprir coa Lei Xeral de dereitos das persoas con discapacidade e da súa inclusión social, mediante as medidas alternativas, un importante recurso para a inclusión social das persoas con discapacidade.
Alentae é unha iniciativa beneficiaria do Programa BONO CONSOLIDA ECONOMÍA SOCIAL.
Infórmate agora
Contactar